一路走来（生活 / 粤文）（7 / 9）
「你使唔使咁感动呀？」阿敏笑我「发花癲」。
「你唔明㗎喇！我同小花呢啲係『知音情』！」我扮嬲，乘机大大力打阿敏手臂一下。
阿敏嘅笑容僵住，窒咗一秒先回復嬉皮笑脸个衰样：「我净係知道你做家务嘅时候好『滋阴』！」
三个月之后，我个连载终于完结。情况同初头差唔多，负评佔绝大多数，不过我最在意嘅係有读者留言话「期待你嘅下一篇小说」！我开心到呢！即刻sendmessage畀小花，想多谢小花鼓励我，点知发现小花一早封锁咗我！
咩事？
我上讨论区睇下关于小花嘅post。好多网络作者话小花「好假」，係唔係都讚其他网络作者写嘅小说好好睇，扮係欣赏佢哋嘅作品，其实係为咗博对方欢心，为自己製造人气……睇咗唔係好多个post，我已经流晒眼泪鼻水——原来所有嘢都係假㗎！
阿敏听到我索鼻，入房睇下咩事。佢望个mon几眼，直接熄咗我部电脑。
我直觉认定阿敏一早知道：「你唔话我知？」
「我认为係haters喺度搞事，无需要太在意。」阿敏翘起双手，半坐喺枱边。
「你觉得……小花无……呃……我？」我冷静咗少少。
「小花有呃你或者无呃你，对你影响好大咩？」唔知点解，阿敏突然语气唔多好，有啲䒐䒏。「如果係咁，不如你问下自己，你係咪真係钟意写小说，或者你知唔知道咩係『钟意』。」
「如果我唔知咩係『钟意』，唔通你又知咩？你钟意乜呀？你部电脑呀？定係你玩紧隻game嘅角色呀？」面对阿敏嘅质疑，我火遮眼，不知不觉开始人身攻击。
阿敏笑咗笑，讲嘢嘅语调平淡到似係扮出嚟：「『钟意』係遇到错折都唔放弃，而我钟意嘅係我以前个女朋友……」
阿敏坦白承认自己係独子，无细妹，我住紧间房其实係佢以前女朋友嘅。佢为咗赚钱结婚，以前做地產经纪时好博命。日头做得辛苦，夜晚放工自然会打机轻松下。但係喺佢女朋友眼中，佢就係懒，放工之后净係识打机，乜嘢家务都唔做。有一次佢哋为家务问题嗌大交，佢女朋友嬲到离家出走，无返过嚟，仲转工、改电话号码、删社交帐号……
阿敏开咗罐啤酒，一路饮，一路讲，一路苦笑。「我清楚明白佢嘅意思，亦唔会去烦佢。唯一问题係我个心放唔开。我知道自己唔应该继续掛住佢，要重新出发、搵过另一个，不过我无动力去咁做。我以前做到成隻狗咁就係为咗赚多啲钱，畀好啲嘅生活佢，等佢可以风风光光咁嫁俾我。自从佢走咗，我觉得返工完全无意义，每日只係想执到间屋整整齐齐……」
↑返回顶部↑
「你唔明㗎喇！我同小花呢啲係『知音情』！」我扮嬲，乘机大大力打阿敏手臂一下。
阿敏嘅笑容僵住，窒咗一秒先回復嬉皮笑脸个衰样：「我净係知道你做家务嘅时候好『滋阴』！」
三个月之后，我个连载终于完结。情况同初头差唔多，负评佔绝大多数，不过我最在意嘅係有读者留言话「期待你嘅下一篇小说」！我开心到呢！即刻sendmessage畀小花，想多谢小花鼓励我，点知发现小花一早封锁咗我！
咩事？
我上讨论区睇下关于小花嘅post。好多网络作者话小花「好假」，係唔係都讚其他网络作者写嘅小说好好睇，扮係欣赏佢哋嘅作品，其实係为咗博对方欢心，为自己製造人气……睇咗唔係好多个post，我已经流晒眼泪鼻水——原来所有嘢都係假㗎！
阿敏听到我索鼻，入房睇下咩事。佢望个mon几眼，直接熄咗我部电脑。
我直觉认定阿敏一早知道：「你唔话我知？」
「我认为係haters喺度搞事，无需要太在意。」阿敏翘起双手，半坐喺枱边。
「你觉得……小花无……呃……我？」我冷静咗少少。
「小花有呃你或者无呃你，对你影响好大咩？」唔知点解，阿敏突然语气唔多好，有啲䒐䒏。「如果係咁，不如你问下自己，你係咪真係钟意写小说，或者你知唔知道咩係『钟意』。」
「如果我唔知咩係『钟意』，唔通你又知咩？你钟意乜呀？你部电脑呀？定係你玩紧隻game嘅角色呀？」面对阿敏嘅质疑，我火遮眼，不知不觉开始人身攻击。
阿敏笑咗笑，讲嘢嘅语调平淡到似係扮出嚟：「『钟意』係遇到错折都唔放弃，而我钟意嘅係我以前个女朋友……」
阿敏坦白承认自己係独子，无细妹，我住紧间房其实係佢以前女朋友嘅。佢为咗赚钱结婚，以前做地產经纪时好博命。日头做得辛苦，夜晚放工自然会打机轻松下。但係喺佢女朋友眼中，佢就係懒，放工之后净係识打机，乜嘢家务都唔做。有一次佢哋为家务问题嗌大交，佢女朋友嬲到离家出走，无返过嚟，仲转工、改电话号码、删社交帐号……
阿敏开咗罐啤酒，一路饮，一路讲，一路苦笑。「我清楚明白佢嘅意思，亦唔会去烦佢。唯一问题係我个心放唔开。我知道自己唔应该继续掛住佢，要重新出发、搵过另一个，不过我无动力去咁做。我以前做到成隻狗咁就係为咗赚多啲钱，畀好啲嘅生活佢，等佢可以风风光光咁嫁俾我。自从佢走咗，我觉得返工完全无意义，每日只係想执到间屋整整齐齐……」
↑返回顶部↑