一路走来（生活 / 粤文）（3 / 9）
最衰个脑唔听使，不停諗将来会係点，搞到完全瞓唔着。
唔好讲咩难受唔难受、尊严唔尊严，嗰啲全部係后话——生存到先再讲。即使今晚唔问，迟早都係要问。喺补领到提款咭之前，点都要借钱租屋住或者买衫去见工。
即刻问！
撇除已婚人士同男性，其馀喺我手提电话通讯录嘅人都收到我嘅message。由于係半夜，好多人瞓咗，回覆我嘅只有小猫三四隻，而且係算唔上朋友嗰几个。佢哋八卦几句之后，通通已读不回。
唯独是有一个叫做「阿敏」嘅人问得比较详细，似乎真係有心帮我。其实我完全唔记得边个係阿敏。唔紧要，佢肯帮我就得。倾咗一阵之后，阿敏终于露出真面目：「我租间房俾你，每月租金三千蚊，包管理费、差餉，水电煤实报实销。」
我觉得几抵，又安全过住劏房，于是立即应承。阿敏话自己住喺临庇护中心附近，可以即刻嚟接我。我孭住个袋，企喺庇护中心门口等阿敏。佢话会着白色卫衣加灰色长裤过嚟。我四围望，希望可以尽早见到佢个样，记起佢係边个，相认时就无咁尷尬。
等咗一阵，见到一个着白色卫衣、灰色长裤嘅身影行过嚟。咦？个身形有啲似男人，应该唔係阿敏。我继续四围望，点知头先个身影行到我身边停低：「张小姐！」
「阿……阿敏？」我好惊讶——阿敏係个男人？哎呀！我竟然见到个「敏」字就直觉认定对方係女人！
「係呀！你唔认得我？」阿敏一眼睇穿我諗咩。
「认得，你係几年前帮我搵屋个地產经纪。」我扮镇定。
「行啦！」阿敏好细心，主动帮我攞袋。
「唔该……」理智叫我即刻拒绝，乱咁跟男人返屋企好危险。不过我又无其他办法，唯有博一博。
十五分鐘后，我已经喺阿敏屋企。
「我细妹搬咗，唔会返嚟。」阿敏望住租俾我间房，个样好唏嘘。「你放心喺度住啦！」
我冲凉之后食咗两个杯麵，好饱肚、好暖、好舒服。但係我偏偏瞓唔着，个脑好多嘢諗。
↑返回顶部↑
唔好讲咩难受唔难受、尊严唔尊严，嗰啲全部係后话——生存到先再讲。即使今晚唔问，迟早都係要问。喺补领到提款咭之前，点都要借钱租屋住或者买衫去见工。
即刻问！
撇除已婚人士同男性，其馀喺我手提电话通讯录嘅人都收到我嘅message。由于係半夜，好多人瞓咗，回覆我嘅只有小猫三四隻，而且係算唔上朋友嗰几个。佢哋八卦几句之后，通通已读不回。
唯独是有一个叫做「阿敏」嘅人问得比较详细，似乎真係有心帮我。其实我完全唔记得边个係阿敏。唔紧要，佢肯帮我就得。倾咗一阵之后，阿敏终于露出真面目：「我租间房俾你，每月租金三千蚊，包管理费、差餉，水电煤实报实销。」
我觉得几抵，又安全过住劏房，于是立即应承。阿敏话自己住喺临庇护中心附近，可以即刻嚟接我。我孭住个袋，企喺庇护中心门口等阿敏。佢话会着白色卫衣加灰色长裤过嚟。我四围望，希望可以尽早见到佢个样，记起佢係边个，相认时就无咁尷尬。
等咗一阵，见到一个着白色卫衣、灰色长裤嘅身影行过嚟。咦？个身形有啲似男人，应该唔係阿敏。我继续四围望，点知头先个身影行到我身边停低：「张小姐！」
「阿……阿敏？」我好惊讶——阿敏係个男人？哎呀！我竟然见到个「敏」字就直觉认定对方係女人！
「係呀！你唔认得我？」阿敏一眼睇穿我諗咩。
「认得，你係几年前帮我搵屋个地產经纪。」我扮镇定。
「行啦！」阿敏好细心，主动帮我攞袋。
「唔该……」理智叫我即刻拒绝，乱咁跟男人返屋企好危险。不过我又无其他办法，唯有博一博。
十五分鐘后，我已经喺阿敏屋企。
「我细妹搬咗，唔会返嚟。」阿敏望住租俾我间房，个样好唏嘘。「你放心喺度住啦！」
我冲凉之后食咗两个杯麵，好饱肚、好暖、好舒服。但係我偏偏瞓唔着，个脑好多嘢諗。
↑返回顶部↑