18 恐惧（2 / 3）
青（喜悦）：哗！呢度好清幽啊！妈咪每日望住个海，一定好开心呢！
父（浅笑）：我见你妈咪墓碑已经咁旧，今年重新立过一块新碑，你帮我用啲湿纸巾抹下妈咪张相吖⋯⋯
青小心翼翼地为石碑扫尘，仔细端详妈妈发黄相片，想得入神，顿然发觉死忌日子有点面熟⋯⋯怎么会跟自己的旧历生日一模一样？
青（泪眼汪汪）：爹哋！点解嘅？究竟发生咩事？
父（老泪纵横）：啊！儍女！做乜无端端喊呢？⋯⋯唉！其实一直冇讲你知，就係唔想你咁伤心⋯⋯始终都係一场意外，无人想发生⋯⋯你出世果晚落好大雨⋯⋯医生尽晒力，净係保得住你⋯⋯
青（蹲下饮泣）：呜呜⋯⋯妈咪⋯好对唔住！我一直都唔知道，你用自己条命换我返嚟⋯⋯其实，我一直都好想感受下，俾你揽住既感觉⋯⋯
父（慨叹）：老婆，我哋个女依家大个啦！仲拍紧拖㖭！你唔使担心佢啦！
青（内疚痛哭）：爹哋！你有冇嬲我呀？我令你冇咗妈咪⋯⋯
父（安慰）：傻女！唔好乱諗喇！你睇吓你？喊到我心都痛埋⋯⋯其实，人生又点会永远幸福快乐啊！点样都会有啲高高低低，起起伏伏，係咁架啦！
青（欲言又止）：爹哋！我有啲嘢想同你商量吓⋯⋯
父（慈祥眼神蹲下来为青抺眼泪）：傻女！呢排都见你个样囉囉挛，有心事要同我讲呀！
青（试探口吻）：爹哋！你觉得蓝点啊？
父（戚一下眉摸下巴）：上次送你返嚟嗰个后生仔？哦！我剩係见过佢一次，唔知佢为人点喎！咁你又觉得佢点呢？
青（捏着纸巾靦靦覥覥）：蓝，係一个深思熟虑嘅人，会諗得好清楚先会做一件事，同样，佢都想我諗清楚先同佢一齐⋯⋯记得我去冰岛睇北极光嘅时候，觉得北极光就像恋爱，期待北极光，像期待恋爱一样⋯⋯不是不想要，只是不敢要⋯⋯害怕开始恋爱，有了期盼，但最终失望，不能够漂漂亮亮的离场⋯⋯害怕最后计较的不是付出，而是怕受伤害⋯⋯
青低下头喃喃自语：原来係梦想同埋恋爱之间，真係要有取捨呢！
↑返回顶部↑
父（浅笑）：我见你妈咪墓碑已经咁旧，今年重新立过一块新碑，你帮我用啲湿纸巾抹下妈咪张相吖⋯⋯
青小心翼翼地为石碑扫尘，仔细端详妈妈发黄相片，想得入神，顿然发觉死忌日子有点面熟⋯⋯怎么会跟自己的旧历生日一模一样？
青（泪眼汪汪）：爹哋！点解嘅？究竟发生咩事？
父（老泪纵横）：啊！儍女！做乜无端端喊呢？⋯⋯唉！其实一直冇讲你知，就係唔想你咁伤心⋯⋯始终都係一场意外，无人想发生⋯⋯你出世果晚落好大雨⋯⋯医生尽晒力，净係保得住你⋯⋯
青（蹲下饮泣）：呜呜⋯⋯妈咪⋯好对唔住！我一直都唔知道，你用自己条命换我返嚟⋯⋯其实，我一直都好想感受下，俾你揽住既感觉⋯⋯
父（慨叹）：老婆，我哋个女依家大个啦！仲拍紧拖㖭！你唔使担心佢啦！
青（内疚痛哭）：爹哋！你有冇嬲我呀？我令你冇咗妈咪⋯⋯
父（安慰）：傻女！唔好乱諗喇！你睇吓你？喊到我心都痛埋⋯⋯其实，人生又点会永远幸福快乐啊！点样都会有啲高高低低，起起伏伏，係咁架啦！
青（欲言又止）：爹哋！我有啲嘢想同你商量吓⋯⋯
父（慈祥眼神蹲下来为青抺眼泪）：傻女！呢排都见你个样囉囉挛，有心事要同我讲呀！
青（试探口吻）：爹哋！你觉得蓝点啊？
父（戚一下眉摸下巴）：上次送你返嚟嗰个后生仔？哦！我剩係见过佢一次，唔知佢为人点喎！咁你又觉得佢点呢？
青（捏着纸巾靦靦覥覥）：蓝，係一个深思熟虑嘅人，会諗得好清楚先会做一件事，同样，佢都想我諗清楚先同佢一齐⋯⋯记得我去冰岛睇北极光嘅时候，觉得北极光就像恋爱，期待北极光，像期待恋爱一样⋯⋯不是不想要，只是不敢要⋯⋯害怕开始恋爱，有了期盼，但最终失望，不能够漂漂亮亮的离场⋯⋯害怕最后计较的不是付出，而是怕受伤害⋯⋯
青低下头喃喃自语：原来係梦想同埋恋爱之间，真係要有取捨呢！
↑返回顶部↑